BreddaAndrew and Wada Blood Roll Wid Mi lyrics

by DRW
(Jamaica)

Andrew and Wadda Blood

Intro
(Andrew): Yea, Notice Production, awwaww
(Wada): Andrew and Wada nuh join nuh corruption no
From me live a fire house me see friend a kill friend
That's why me no trust nuff a dem
Smile inna yuh face wen dem only a pretend
Quick fi cut when yuh inna problem

Chorus
(Wada): Dats why mi no trust friend so me a roll wid mi bredda
If a war we a do that together
Friend no like see yu climb up the ladder
Quick fi badmind yuh fi yuh chedda
(Andrew): That's why me no trust friend dem too wicked and cold
Inna yuh head yuh best friend will leff a hole
Dem will tek weh yuh soul den tun round cry when dem see yuh body go down inna hole

Verse 1
(Wada): A yuh friend neva want see yuh step up inna life
Yuh friend badmind yuh fi yuh car weh yuh drive
Me and mi friend deh a road him gi me one gal den tun round a carry back mi name to mi wife
Yeah a dats why mi no trust friend
Mavado and Foota two a dem was friend
Kartel and Beenie whole a dem was friend but tru badmind yuh caan trust friend again

Rept. Chorus

Verse 2
(Andrew): Me nuh trust friend cause nuff a dem a backstabba
Nuh trust dem wid yuh liquor high grade nor yuh grabba
Nuh trust dem wid yuh money cause nuff a dem a robber
Dem nuh waan see yuh big and buss weh like Shabba
Sit down and a gossip pon yuh name a labba
Dem nuh keep it real like Konders and Jabba
Dem can't trick Andrew and Wada
So when dem come a try gas we up we tell dem nuh badda

Rept. Chorus