Assassin agent sasco More Dem A Fight We lyrics

by DRW
(Jamaica)

Intro:
Well hear mi now,
is the Almighty we sey
in di midst of everything
so when di wicked talk,
unnu a fight God pickney.

Chorus:
Di more dem a fight we
a di stronger we get.
Lawd, di more dem a siddown
and a wish fi we pop dung
a di more money we mek.
Tell dem nuh Genius
di more dem a fight we,
a di stronger we get,
lawd di more dem a talk,
all dem a do a waste dem breath.
We nuh worry nor fret.

Bridge:
Hear dem a talk
but dem can sey anything,
we nah beg dem anything.
Di almighty provide everything
weh we want, so mek dem stay deh talk.
Dem can sey anything,
mi done tell yuh,
dem cyaan do we anything.
Di Almighty provide everything, weh we want.
So mek dem stay deh talk cause

Verse One:
Afta we nah beg dem nutten, woii.
after we nah cotch a dem yaad.
And afta we nah wait fi dem cook
and tek off dem pot fi henka like dog.
talk up a bagga ting, draw bere card.
None a dem nuh see we,
when we hussling hard.
But dem a carry belly fi di tings weh we have,
like dem want our pickney fi starve,
Genius.

Chorus

Verse Two:
Dem a wish fi hear mi crash
and is a new ride mi get.
waan me and mi gal mash up,
is a new bride mi get.
We a walk through di valley of death,
and we nuh fret,
none a dem trap cyaan ketch we,
Yes di more dem hate we and di more dem resent we,
di more prosperity di father present we.
Lock one door, but di fadda pull 20
so our food basket will never empty, woii.

Rept. Chorus

Bridge

Rept. Chorus

READ MORE ABOUT ASSASSIN AKA AGENT SASCO